Выберите канал

Выберите канал

Популярные
Кино
Спорт
Познавательные
Развлекательные
Детские
Музыка и мода
Новостные
Белорусcкие
Российские
Каналы МТИС
Каналы "Космос ТВ"
Каналы ZALA
Каналы "Телесеть"
Каналы "Аксиома-Сервис"
Каналы "НТВ Плюс"
Каналы "Триколор ТВ"

Подписки

Новости
Беларусь
За рубежом
Кино
Техника
Коммуникации
Спорт на ТВ
Спутниковые новости

Афиша Беларуси
Форумы по теме
реклама
реклама
реклама

Беларусь


На Першым стартуюць новыя серыі дакументальнага цыкла Агенцтва тэленавін «Зямля беларуская» – аднаго з самых грандыёзных і працяглых праектаў у гісторыі айчыннага тэлебачання.

Нагадаем, што тры гады таму аўтары маштабнага цыкла задаліся мэтай аб’ехаць усе 118 раёнаў Беларусі і распавесці пра кожны з іх на роднай беларускай мове. Вынікам гэтай працы і сталі непаўторныя гісторыі, якія апісваюць самыя цікавыя і прыгожыя мясціны нашай Радзімы.

Новыя серыі праекта – гэта новы подых «Зямлі беларускай», запэўніваюць стваральнікі праекта. За тры гады дакументальны серыял ужо паспеў узняцца на самую высокую прыступку тэлевізійнага алімпа – ён адзначаны Гран-пры Нацыянальнага тэлевізійнага конкурсу «Тэлевяршыня». Але ж намаганні стваральнікаў «Зямлі беларускай» ацанілі не толькі калегі. Прэмія Прэзідэнта краіны «За духоўнае адраджэнне» яскрава сведчыць аб галоўнай мэце праекта – раскрыць усё хараство зямлі беларускай. Шмат чаго дасягнута, але яшчэ больш цікавае чакае гледача наперадзе.

У новым сезоне працягнецца не толькі паказ дакументальнага серыяла, але і праца над яго ўдасканаленнем: тэлежурналісты пастараліся як мага лепш расказаць і паказаць тое, што нельга сустрэць ні на старонках кніг, ні сярод экспазіцый музеяў. «Зямля беларуская» – гэта своеасаблівая тэлевізійная энцыклапедыя таямніц нашай Бацькаўшчыны. Аповед аб тым, чым ганарыліся нашы продкі, чым павінны ганарыцца і нашы нашчадкі. Кожная серыя – гэта адкрыццё таго ці іншага рэгіёна, горада, мястэчка, вёскі. Здараецца, гэта адкрыццё нават для саміх мясцовых жыхароў. Ужо неаднойчы ім разам з дапытлівымі журналістамі здымачнай групы праекта даводзілася раскрываць таямніцы назваў, аднаўляць у памяці замовы бабуль, забытыя рамёствы, народныя паданні. Усё вечнае застаецца, і цяпер не толькі ў памяці, а і на сучасных носьбітах інфармацыі.

Лепшыя творчыя сілы Першага канала. Самая новая тэлевізійная тэхніка. Самыя сучасныя тэхналогіі стварэння телевізійнага прадукта. І галоўнае, яскравае жаданне – даляцець, даехаць, калі не атрымліваецца – дайсці туды, дзе нават нага авантурнага даследчыка не ступала. Мэта тэлевізійнага падарожжа па зямлі беларускай – не толькі паказаць і перадаць пах белавежскіх шатаў, прыгажосць магілёўскіх відарысаў, святло міёрскіх зорак... «Зямля беларуская» – гэта ўспрыманне сучаснасці праз мінулае. Гэта праўдзівая гісторыя народа, расказаная самім народам.

Пра большасць раёнаў ужо створаны фільмы. Усе астатнія таксама не застануцца па-за кадрам. Усе мы насельнікі зямлі беларускай, а ў тэлевізійным праекце тутэйшыя людзі ўжо ў якасці галоўных герояў у кадры «Зямлі беларускай» – праекта, які дбае аб захаванні спадчыны на генетычным узроўні, аб тым, што вылучае нас як нацыю з аўтэнтычнымі традыцыямі, як дзяржаву з легендарным мінулым, як непаўторную зямлю беларускую.

Новая серыя «Летапіс Жыткавіч» дакументальнага серыяла «Зямля беларуская», які будзе выходзіць у эфір Першага канала па суботах, – 9 кастрычніка ў 17.40.